19 Jul 2013

Bahan Sermon tu Minggu VIII dung Trinitatis, 21 Juli 2013


Johannes 15 : 9 – 17
Masihaholongan

           Tujuan, latar belakang dohot teologi ni turpuk
          Ra, hata “holong” i ma hata na jumotjot itabege di ngolunta songon siihuthon Kristus hita. Jala memang, boi dohononta i do unok ni na tahaporseai di haroro ni Kristus manopot portibi on. Na mamboan holong ni Debata Ama do Ibana, jala Ibana sandiri do Holong i na ro sian ginjang. Holong na sian ginjang i masuk do i tu hahomion ni Kristus (misteri Kristus), jala barita nauli na sinurat ni si Johannes on marisihon Hata ni Debata sandiri na mangungkap hapapatar ni Holong i, Kristus Anak ni Debata i. I do tujuan ni Injil Johannes on, naeng patandahon Kristus Jesus Anak ni Debata na ro papatarhon holong na sian ginjang di bagasan ngoluNa sahat tu panghophoponNa paluahon na porsea.
           
            Tafsiran ni turpuk dohot sipahusorhusoron
Marhitehite panghophopon ni Kristus Anak ni Debata, patar ma holong ni Debata tu jolma angka na porsea. Di angka na manjangkon panghophopon i, gok mauliate do rohana jala Kristus nama nampuna dirina. Molo didok Kristus i nampuna diri ni sahalak na porsea, ingkon mangolu ma di bagasan Ibana. Mangolu di bagasan Kristus na marlapatan do i ingkon mangihuthon angka ajaranNa. Jala ingkon di bagasan parsitutuon ni roha do na manghangoluhon HataNa i. Siala hangoluan do Hata ni Debata.

1.      Holong ni Kristus sitiruon ni jolma
            Holong do roha ni Debata Ama di Jesus Kristus AnakNa (ida Mrk. 1:11), songon i do holong ni Kristus tu angka jolma (ayat 9). Tutu, na mardosa do angka jolma di portibi on jala saor tu hajahaton do ngoluna, jala tu hamatean do langkana. Alai ndang munsat holong ni Debata sian tano on, jala ndada jolma i diporangi Debata, alai dosa, hajahaton dohot hamatean i do. Alani i do disuru AnakNa tumopot portibi on, mamaritahon Harajaon ni Debata (Syalom), mamboan haluaon na manaluhon hamatean marhitehite hamamateNa sandiri. I ma holong ni Kristus, holong do rohaNa mida jolma alai dihasogohon do hadosaonna. Sitiruanta do on, asa molo adong na mambahen na so denggan tu hita, ndada diri ni sibahen na jat i sihasogohon, na binahenna i do. Anggo tu jolmana i siasian do tahe i, ala so malua dope sian ulaon na jat jala ndang mangolu di bagasan holong ni Kristus.

2.      Mian di bagasan holong ni Kristus halalas ni roha do i
            Sihamauliatehononhon do asi dohot holong ni roha ni Debata marhite Kristus Jesus. Dipauba do hadosaon gabe habadiaon, parhatobanon ni dosa gabe haluaon, arsak ni roha gabe halalas ni roha. Songon jamita di piga minggu naung salpu, molo disalpuhon utang, tontu sahali manghorhon las ni roha do i tu parsingiran i. Songon i ma nang jolma pardosa na manjangkon Kristus Jesus gabe Sipalua di ibana, dipalua do sian dosa, hajahaton dohot hamatean. Panghorhon ni i, iluilu gabe halalas ni roha (ayat 11).
Didok di ginjang, ndada jolma i musu ni Debata, hajahatonna i do, dosana i. Alai molo dung dipalua na porsea i, ingkon rap jongjong ma nian dohot Tuhan Jesus mangalo dosa dohot hajahaton i. Songon dia ma dalanna? I ma marhitehite na mangaradoti patik (ayat 10). Mian di bagasan holong ni Kristus, tuntutanna i ma mangaradoti patikNa. Dibahen i, ingkon gabe parangan ni Kristus do angka na porsea na pinalua i, jongjong di jolo mangalo dosa dohot hajahaton. Sialoon do dosa dohot hajahaton, na di diri sandiri pe i nang di diri ni dongan.

3.      Mangolu di bagasan holong ni Kristus mangonjar na porsea masihaholongan
Tindakan na mangaradoti patik, sadalan do i dohot tindakan na marholong ni roha. Ai hagogok ni saluhut patik do tindakan na manghaholongi dongan (ida Gal. 5:14). Boasa didok hagogok ni saluhut patik holong i? Mangihuthon pemahaman na di ginjang, dos do sude jolma i dihaholongi Debata, dihophop Tuhan Jesus do sude (nang pe holan angka na manjangkon Ibana do na taruli haluaon), alani i ndang adong dalan ni jolma laho marsogo ni roha tu donganna jolma. Ai na rap pardosa do, nang pe naung pinalua, alai nda tung adong na boi menjamin dirina ndang be mangulahon dosa. I do umbahen ingkon tiruanta do holong ni Kristus i, na so manghasogohon jolma alai dosa dohot hajahaton ni jolma i do na dihasogohon rohaNa. Anggo jolma i, tama do masihaholongan jala masipaingotan di angka na humurang asa rap denggan sude jala mian di bagasan holong ni Kristus (ayat 12). Jala di ayat 13 dilehon do tu na porsea sitiruan songon hataridaan ni holong na umbagas, i ma na sahat tu na sumeahon diri.

4.      Aleale ni Kristus, sitean hahomion ni Debata
            Digoar Tuhan Jesus do angka na porsea i songon alealeNa, na umboto saluhut naung pinabotohonNa (ayat 14-15). Naeng dohonon sian i, ndada holan barita sambing na sahat tu angka na porsea i, alai nunga secara langsung dialami holong ni Debata marhite Kristus AnakNa i. Lumobi do pangantusion na nidapot marhitehite na mengalami martimbangkon na holan mambege barita/mananda secara lisan/tulisan. Jala angka na porsea i nunga dialami sandiri holong ni Kristus i marhitehite haluaon na pinatupaNa i. Homi (misteri) do pangalaho ni pangantusion i, jala ndang sai tarungkap marhite hata. Alai marhitehite pamujion di bagasan parmingguon boi do nitangkup pangantusion i sian liturgi Agenda. Bagian-bagian ni liturgi i naeng patorangkon tu angka na porsea taringot tu hinauli jala hinabagas ni holong ni Debata. Na ro hita tu parmingguon i, na niontang Debata do hita. Anggo sian hadirionta na sai mardosai, ndang talup hita mandonoki Na Sun Badia. Alai marhite Kristus na gabe Dalan, boi do hita taruli di parsaoran dohot Debata. Pengalaman on, i do gabe barita siboanonta di bagasan hata dohot pambahenan (parange) na patandahon paboa naung pinalua do hita, naung diperlayakkan gabe bangso ni Debata na badia.

5.      Mangolu di bagasan holong ni Kristus mamparbuehon holong tu dongan jolma
Marhitehite pengalaman akan kasih Allah, borhat do hita tu tongatonga ni portibi on laos taboan do barita haholongon i tu angka dongan jolma. Tarpillit do hita angka na porsea gabe siboan barita halongangan i, hoholongon dohot haluaon i (ayat 16). Jala ndada hita na mamillit dirinta sandiri, alai Tuhan i do. Na di tanggal 1 – 4 Juli na salpu, dipatupa do ujian penerimaan murid baru di STT-HKBP, jala di tanggal 4 do pengumumanna. Adong ma disi angka na mandohoti ujian na dipaksa natorasna, na so pos rohana di ujian laho masuk tu perguruan tinggi negeri naung parjolo nidohotanna, na taronjar sian rohana sandiri, manang naung loja manganggur. Nang pe panitia penerimaan do na mengkoreksi ujian i, alai haputusan tertinggi di Debata do. Manang na songon dia pe latar belakang na mangonjar angka na mandohoti ujian i, guru di pamilliton ni Debata do. Songon i nang hita marhite sian turpuk ni jamita on, ingkon unduk do hita di pamilliton i gabe siboan barita haholongon marhitehite na masihaholongan sama hita.
Alai tutu, ingkon sian bulus ni roha do na mangulahon holong i, asa mian tutu parbuena i, lapatanna ndang magopo. Molo so sian habuluson ni roha, porsea ma hita ndang na manahan parbue ni i. Alani, tung nalnal jala tangkas do Hata ni Tuhan Jesus di turpuk on di bagasan parenta na sederhana alai mansai bagas jala uli: “Masihaholongan ma hamu!” (ayat 17).

oooOOOOooo

 pdt.mop/serm.ress.sipirok/binanga2013

6 Jul 2013

Bahan Jamita Minggu 6 dung Trinitatis 7 Juli 2013

Kolosse 4 : 1 – 6
Mangolu dibagasan holong dohot habisuhon

            Tujuan dohot latar belakang ni Surat Kolosse
            Ia surat ni apostel Paulus na mandapothon halak Kolosse on, digurithon do dohot tujuan laho pahothon haporseaon. Ringkot situtu do panogunoguon di halak Kristen na di Kolosse siala adong dapot angka poda na lipe di humaliang nasida. Di bindu 2:8 didok, “Jaga ma hamu, so tung diago deba hamu marhitehite hata bisukbisuk dohot hata lensem na so marimpola, hombar tu tonatona ni jolma, mangihuthon sisiasia ni hasiangan on, ndada mangihuthon Kristus.” Hape na harmonis do nian parsaoran ni angka na porsea disi jala denggan do pangulahonon ni haporseaonna (ida bindu 1 : 4 + 6 dohot ayat na sesuai). Dibahen i, asa unang sanga masuk angka ajaran na sala tu haporseaonnasida, ditongos apostel Paulus ma surat on. Adong pigapiga topik na gabe perhatian ni surat on, alai di turpuknta tung ondol do ngolu partangiangon dohot dampak ni ngolu partangiangon i paulihon parsaoran.

            Teologi ni turpuk
            Teologi umum ni surat Kolosse i ma credo manang na pengakuan iman taringot tu hasurungan ni Kristus. Ibana do suman ni Debata na so tarida i, na parjolo tubu sian nasa na tinompa (1:15); marhitehite Ibana ditompa saluhutna na adong jala marhapatean tu Ibana do saluhutna (1:16); Ibana do di jolo ni saluhutna, jala saluhutna i do hot di bagasan Ibana (1:17); Ibana do ulu ni huria i (1:18). Dimulai surat on do mamaritahon hasurungan ni Kristus, jala dipaujung dohot penegasan Ibana do ulu ni huria i. Dihangkam credo i do hadirion ni Kristus sahat tu kehadiranNa (eksistensi) di tongatonga ni portibi on. Naeng dohononna sian i, Kristus i do nampuna saluhut nasa na adong, Ibana do Raja, jala di huria i Ibana do uluna. Alani, ngolu ni angka na porsea (huria i) ingkon do marojahan tu karya ni Kristus, jala ndang boi masa sinkretisme, i ma paham na padomudomuhon angka poda. Halak naung tinobus, jala naung mate jala dipahehe rap dohot Kristus (ida 2:12), tama do mangolu di bagasan Ibana.

            Tafsiran ni turpuk
Pertanggungjawaban ni na porsea tu Debata
            Ngolu ni halak Kristen ingkon do dipertanggungjawabkan tu Debata, nang tuan ibana nang hatoban pe. Tarlumobi di angka tuan, angka induk, ingkon do mangulahon na tigor jala na tama maradophon angka anak somang (ayat 1). Tardok pe anak somang, manang na hamba di Alkitab, alai ro di Tuhan Jesus do saluhutna i. Ndang boi dohonon ni angka induk, na milikna do angka anak somang i gabe marlomolomo ni roha (sewenang-wenang). Ingkon rajumanna do, na sahat pe ibana gabe induk di angka anak somangna, na sian Debata do i, jala tong do Debata nampuna ngoluna dohot sude nasa na di ibana. Na marlapatan, ibana pe anak somang do di Debata, Tuhanna. Alani, ingkon patupaonna do na tigor jala na tama, ai i do peleanna tu Debata.

Relasi ni na porsea tu Debata manontuhon relasina tu dongan jolma
            Na pajongjong hatigoran dohot mangulahon na tama, i do na targoar holong, tarlumobi maradophon dongan na gumale. Tarida ma sian i hubungan (relasi) ni jolma tu Debata marpanghorhon tu hubungan ni jolma tu donganna. Hubungan ni na porsea tu Debata tarida do sian ngolu partangiangonna. Marhitehite na martangiang do jolma i manjaga parsaoranna tu Debata, jala marhitehite partangiangon i Debata mangontang jolma tu parsaoran tu DiriNa. Di bagasan parsaoran na denggan (jala rosu) tu Debata boi do mangurupi na porsea i asa sai dungo haporseaonna, lumobi ma na mangadopi angka ajaran palsu di humaliangna na sai mangula mangalaokhon ajaran na pita na sian Tuhan Jesus.
Jala bagas do makna na terkandung di hata “mauliate” di ayat 2 i. Molo nidok mauliate tu dongan, na patandahon kesalingtergantungan do i jolma tu jolma na marsiurupan, relasi jolma tu donganna. Na mandok mauliate sahalak, na patutoru dirina do i. Songon i molo nidok mauliate tu Debata, na patutoru diri do i di adopanNa, na pasahathon diri jala na so ganggu rohana dina manghaporseai pangaramotion ni Debata (sihamauliatehononhon).

Sude halak porlu martangiang jala masitangiangan
Sude do halak, lumobi angka na porsea (disadari manang na so disadari), mangharingkothon dukungan marhite tangiang sian donganna sahaporseaon. Songon i nang apostel Paulus na mangido dukungan marhite tangiang sian angka na porsea di Kolosse taringot tu panghobasionna (ayat 3-4). Ndada holan tu tangiangna sandiri apostel Paulus marpos ni roha, alai di tangiang ni donganna pe pos do rohana ditangihon Debata, lumobi ma pelayananna do dipangidohon ibana asa ditangiangkon. Jesus Kristus Anak ni Debata, Ibana do Raja di saluhutna jala ro di Ibana do saluhut nasa na adong, dibahen i ndang ganggu roha ni apostel Paulus, tangiang ni manang ise pe ditangihon Tuhan Jesus do i, ala ruas ni Tuhan i do nang angka dongan na asing na sahaporseaon. Lumobi ma muse denggan do barita ni angka na porsea na di Kolosse manghangoluhon haporseaonna (ida bindu 1 : 4 + 6). Dibahen i, songon na ginurithon di poin na di ginjang: relasi manang parsaoran tu Debata manontuhon parsaoran tu dongan jolma.

Ngolu partangiangon mangalehon habisuhon na paulihon karakter hakristenon
            “Manongtong ma hamu martangiang” didok di surat on. Manongtong (Alkitab: bertekunlah) lapatanna ndang mansadi jala diulahon di bagasan angka tingki na taratur. Manongtong martangiang (bertekun dalam doa) i do sasintongna na paulihon ngolu partondion manang spiritualitas kristiani. Jala tau paulihon parsaoran na rosu tu Debata do ngolu partangiangon dohot tangiang na dihangoluhon. Tung balga do pasupasuna molo mian na porsea i di bagasan parsaoran na rosu tu Debata. Di gombarhon do mansai uli panghorhon ni parsaoran sisongon i di Psalmen 51:8, “Sintong ni roha di bagasan do tongon lomo ni rohaM, antong pabotohon ma habisuhon tu bagasan rohangku” (Sesungguhnya, Engkau berkenan akan kebenaran dalam batin, dan dengan diam-diam Engkau memberitahukan hikmat kepadaku). Di bagasan parsaoran i, “dihusiphon” do habisuhon tu na porsea i. Habisuhon i ma na mangisi gerak hidup ni na porsea, di bagasan parange (perilaku) nang hatana na marimpola (na siniraan, bergaram dan tidak hambar/kosong) (ayat 5-6).
            I do dalanna dipodahon apostel Paulus asa marpantas ni roha dina marparange angka na porsea i, lumobi maradophon halak na asing (di balian ni parpunguan ni halak Kristen). Barita nauli do i tu portibi on, molo pantas marparange na porsea i, jala ingkon pinataridahon do i di ganup “tingki.” Tingki dison lapatanna peluang manang kesempatan, dibahen i ingkon tanggap do na porsea i di tingki adong peluang manang kesempatan mamaritahon barita nauli marhite parange tu halak na asing. Songon i nang di panghataion, ingkon sai tongtong lambok jala marimpola. I do habisuhon.

Sipahusorhusoron
            Di Minggu paonomhon dung Trinitatis on, naeng idaonta jala sunggulanta muse panandaon tu Kristus nampuna saluhut nasa na adong di portibi on. Marhitehite Ibana do ditompa saluhut angka na tinompa (patudos tu pamuhaion ni Injil Johannes di bindu 1 : 3 + 10). Molo naeng hita mangolu dibagasan holong dohot habisuhon, taihuthon ma Jesus. Mangihuthon Jesus lapatanna mangolu di bagasan pangajaranNa.
            Sian bahan sermon on, tapahembang ma tu implikasina siulaon secara konkret di tongatonga ni parsaoran di huria nang di tongatonga ni masyarakat. Di kesempatan on binahen do sirenungkononta songon na tarsurat di toru on:
1.      Boha do pajongjong hatigoran (kejujuran) dohot mangulahon na tama maradophon dongan jolma, lumobi tu na gumale. Boi do gotapon hak ni, isarana, na mangula tu iba (anak somang), songon gaji rupani? Manang boi do patuhukon ulaon na lobi sian gogo ni i? Songon i nang di tongatonga ni bagas, boi do marlomolomo (sewenang-wenang) sahalak ama tu anggota keluargana?
2.      Boha do ngolu partangiangonta? Dungo do haporseaonta i, manang na modom do? Jala taulahon do na masitangiangan i?
3.      Boha do pamangkeonta di tingki na pinasahat ni Debata tu hita, lumobi di angka peluang dohot kesempatan patuduhon parbue ni haporseaon? Boha do parsaoranta di tongatonga ni masyarakat? Adong do holong dohot habisuhon di ngolunta?

oooOOOOooo


 pdt.mop/serm.ress.sosa/binanga2013

Bahan PA Naposobulung Yeremia 9:23-24 Hidup dalam kasih dan hikmat = hidup dalam Kristus


Kalau kita melihat arti kata “kasih” di kamus bahasa Indonesia, maka kita akan menemukan dua paralel arti kata tersebut. Yang pertama berarti perasaan sayang (cinta), dan yang kedua berarti beri/memberi. Kombinasi dua pengertian dari satu kata “kasih” ini sangat unik dan memberi pengertian yang lengkap, yaitu kira-kira bisa kita padukan perasaan sayang (cinta) yang mengarahkan orang untuk memberi. Kasih mestilah menjadi mengarahkan untuk memberi, namun memberi belum tentu berdasar atas kasih. Kasih yang kita pahami, yaitu pengertian kasih yang hidup dalam tradisi kekristenan kita, adalah perpaduan dari kedua pengertian tersebut. Sumber kasih kita adalah kasih Allah (lihat 1 Yoh. 4:19).

Kalau kita lihat lagi arti kata “hikmat,” tertulis di kamus sebagai kearifan dan kebijakan. Hikmat adalah suatu kemampuan manusia yang tidak dapat dipelajari, namun diperoleh dengan benar-benar “diperoleh.” Artinya hikmat diperoleh bukan di sekolah atau di tempat-tempat belajar yang lain. Orang Batak menggambarkan hikmat (bisuk) barangkali bisa dengan umpama: mata guru, roha sisean. Hikmat juga berasal dari Allah (lihat Ams. 2:6; 9:10; 15:3; Mzm. 111:10). Hikmat tidak dipelajari, tetapi dibisikkan oleh Allah sendiri, seperti diberitakan dalam Mzm. 51:8, sebab memang hikmat adalah “kemampuan manusia mengenal kehendak Allah” (lihat Yak. 3:13-18).

Kasih dan hikmat adalah tema yang sangat populer bagi umat Kristen. Bahkan bisa dikatakan, kasih dan hikmat adalah termasuk ke dalam tema utama, kasih dan hikmat Allah melalui PuteraNya. Sebab melalui PuteraNya kita menyaksikan kasih yang begitu dalam dan berhikmat dari Allah sendiri (lihat Kristus adalah kasih Allah dalam Rm. 8:39; Ef. 1:5; 2 Tim. 1:9; Kristus adalah hikmat Allah dalam Rm. 16:27; 1 Kor. 1:24, 30;).

Dari pengakuan di atas maka kita mesti sampai pada kesimpulan bahwa kasih dan hikmat ada pada Allah melalui Yesus Kristus. Dengan demikian, jika kita ingin memiliki kasih dan hikmat maka kita hendaknya tinggal (hidup) dalam Kristus. Tinggal atau hidup dalam Kristus berarti menghidupi ajaran Kristus dengan benar dan sungguh-sungguh. Menghidupi berarti mengalami. Mengalami memang lebih baik untuk mengajar daripada mengenal saja. Mengalami Kristus, atau pengalaman bersama Kristus, itulah ajaran sejati kita. Setiap kita mestinya menyadari pengalaman kebersamaan dengan Kristus.

Bagaimana bentuk pengalaman bersama Kristus? Dalam Alkitab dan tradisi gereja ada disebut misteri Kristus (hahomion ni Kristus). Pengalaman itu ada dalam pelayanan Baptisan dan Perjamuan Kudus seperti yang diperintahkanNya, kebaktian Minggu dan pelayanan khusus lainnya. Kurban persembahan, kurban bakaran, kurban penebusan dosa dan bentuk kurban yang lain dalam Perjanjian Lama, adalah undangan Allah sendiri agar umat manusia berdosa boleh mendekat. Kristus adalah Anak Domba Allah, kurban penghapusan dosa sekali untuk selama-lamanya (lihat Ibr. 9:12 dan di bagian lain dalam Alkitab). Dia bertindak sebagai kurban persembahan sehingga kita manusia berdosa boleh mendekat kepada Allah, kepada Yang Mahakudus dalam kondisi keberdosaan kita. PekerjaanNya itu adalah misteri bagi kita, sebab tak terselami dan tak dapat dicapai dengan pikiran manusia.

Dengan mengikuti alur (liturgi) kebaktian Minggu sebenarnya kita bisa merasakan dan mengalami kebersamaan dengan Kristus, pengorbanan, kasih dan hikmatNya. Mulai dari Votum hingga Berkat, semuanya ada dalam ranah misteri Kristus yang melayakkan kita manusia berdosa masuk ke dalam persekutuan dengan Allah dan menerima anugerah keselamatan. Setiap bagian dalam liturgi memiliki makna masing-masing yang saling terkait dan meneguhkan pengenalan dan pengalaman kita bersama Allah Tritunggal. Misteri itu tak selalu dapat diungkapkan dengan kata-kata, namun dapat disentuh dengan melodi yang indah dan berwibawa. Itulah sebabnya kita juga melagukan puji-pujian kita. Karena itu, adalah sangat baik jika lagu-lagu dalam Kidung Jemaat atau Buku Ende dinyanyikan dengan benar. Atau paling tidak dengan sungguh-sungguh, karena memang tidak semua orang memiliki kemampuan (akurasi) dalam membaca not.


Bahan PA kali ini kita batasi dalam pengalaman bersama Kristus dalam setiap kebaktian, sebab pengalaman kebersamaan itulah yang menentukan karakter kristiani kita. Pengalaman bersama Kristus juga menolong kita untuk mengenal diri sendiri, membentuk sikap dalam interaksi dengan sesama, dan mendorong untuk lebih berkarya dalam kehidupan. Itulah karakter kristiani yang kasih serta berhikmat, yang kiranya dapat menolong kita memahami kehendak Allah, seperti dalam Yer. 9:23-24.